Privaatskool Amajuba vir CVO:
Dissiplinźre Stelsel
Die Regsproses- Algemene Beginsels
Leerlinge se regte word eerbiedig. Dit sluit in die reg op regverdige
verhoor, die reg om behoorlik ingelig te word oor waarom hulle gedrag as
onaanvaarbaar beskou word, die reg om menswaardig behandel te word, die
reg op privaatheid ens. Die meeste van hierdie regte geld egter nie
onbeperk nie en kan deur ander regte begrens word. So byvoorbeeld het
die Skoolhoof of 'n opvoeder, indien daar 'n redelike vermoede of
voldoende inligting bestaan, die reg om enige leerling in die besit van
'n gevaarlike vuurwapen, dwelms of 'n gevaarlike middel, alkohol,
gesteelde eiendom of pornografiese materiaal, wat op die skoolterrein
gebring word aan te spreek of toegang tot die skool te weier.
Die vryheid van spraak en uitdrukking, beteken ook nie dat
'n leerling die reg het om vulgźr, beledigend of ongehoorsaam te wees
nie.
Tydens deursoeking moet menswaardigheid gehandhaaf word en moet
leerlinge deur persone van hul eie geslag deursoek word, verkieslik in
die teenwoordigheid van ten minste een ander persoon. 'n Verslag moet
gehou word van die deursoeking, die prosedure wat gevolg is, wie almal
betrokke was, die redes daarvoor en die uitslag daarvan.
Hierdie reėls en in besonder die sg. Audi alterem partem-reėl (om
aangehoor te word), vereis dat 'n beweerde oortreding deeglik ondersoek
moet word; dat die betrokke leerling behoorlik oor die aantyging teen
hom/haar ingelig moet word en dat hy/sy die geleentheid gegun moet word
om daarop te reageer. Dit mag byvoorbeeld gebeur dat 'n redelike en
aanvaarbare verduideliking bestaan en dat die tugoptrede of onnodig is,
of daardeur beļnvloed word.
|
