Geskiedenis van Privaatskool Amajuba vir CVO
Bekendstelling en geskiedenis van ons skool
Op 5 November 1996 is die Privaatskool Amajuba amptelik as skool geregistreer.
Privaatskool Amajuba het sy ontstaan in 1996 gehad met 'n aanvangsleerlingtal van 5 pragtige kinders.
Van die beginjare af was die AP Kerk deel met die stigting en word die skool vanaf die Hervormde Kerk se terrein bedryf.
Privaatskool Amajuba vier gedurende 2017 hulle 21ste bestaansjaar met 'n mooi leerlingtal van 26 leerlinge vanaf Gr. O-7, asook 12 hoogs bekwame geregistreerde permanente personeel.
Die skool bied gehalte-onderrig met persoonlike aandag deur 'n professionele korps van toegewyde personeel. Die skool bied onderrig vir Junior Primêre- en Junior Sekondêre leerlinge, Gr. 1 tot 7.
Die norm vir klasgrootte is maksimum 10 leerlinge. Die getal leerlinge teenoor onderwysers dui duidelik die skool se hoofdoel van individuele, Christelike, Afrikaanse onderrig.
Om balans te handhaaf en leerlinge op alle vlakke te ontwikkel, word deelname aan atletiek, rugby, netbal, krieket, hokkie, landloop, skaak, kultuurdeelname wat insluit beeldende kunste, prosa, poësie, en so meer aangemoedig.
Vir meer
inligting oor Privaatskool Amajuba se bedrywighede kyk by:
Privaatskool Amajuba word as Nie-winsgewende organisasie bedryf en deur ouers bestuur.
In die 21 jaar vestig die skool ryk tradisies en neem leiding op akademiese, sport- en kultuurgebiede. Die skool word 'n baken wat 'n aktiewe rol in die gemeenskap speel. Gemeet aan die besondere aantal
presteerders (Sien Oudleerlinge)wat uit Privaatskool Amajuba kom, styg die skool uit as 'n uitsonderlike opvoedkundige inrigting. Verskeie faktore speel 'n rol in hierdie suksesverhaal:
 |
die uitnemende bestuurstyl van die bestuurskorps |
|
|
die pragtige samewerking van ouers |
|
|
die uitstekende kwaliteit van ons toegewyde personeelkorps |
|
|
die deursettingsvermoë van ons leerlinge |
Die mooi die sukses van die verlede laat ons met geloof uitsien na die toekoms.
Wat 'n voorreg om ons kinders nog te mag opvoed in ons eie geloof, kultuur en moedertaal, naamlik Afrikaans. |
